8 mars 2009
7
08
/03
/mars
/2009
22:18
لعقل والشجرة
بين النخلة والزيتونة
الكرمة والليمونة
أسفل سافلين
ياكل ويستبرى
يشرب ويتعرّى
گالو من العاقلين
لعقل نور
اللّي حبّو ربّو
زاد ليه فيه
واللي بغضو ربّو
نقص ليه منّو
وفي جهلو بارك ليه
السر ولعقل والثباثة
ماهم واحد ماهم جوج هما ثلاثة
السر مايتحط في باسل
لعقل ما يتعطى لجاهل
والثباثة كمالةْالثلاثة
السر افراش
لعقل امْكبْ
والثباثة اركيزة
ماجات بالحاجب
ولاّالقفطان
ولاّالتّقْليزة
السّوق ابلى
ومنّو تتغدّى
فيه النعجة وفيه لخروف
فيه المعقول و فيه لحْلوف
ويدخلوه رجال الله
ابلادي يازينة الشجر
زين واثباتة
اللّي اقطع الشجرة من النبّاتة
ماهو ولدك
ما هو منّك
ما يتساهلك
ما فيه وحدة من الثلاثة
محمد الزاكي
08/03/2009