Overblog Suivre ce blog
Editer l'article Administration Créer mon blog



Dans ce bled semi-aride, à la sebkha de zima, l'oiseau, vient admirer le paysage et vivre la tranquilité que lui offrent ces saisons pluvieuses de chemaia.
Quelle tranquilité!! se dit le flamant rose...
*******
***
*



tel un dromadaire

joyeux et solitaire
tel un martinet
léger et fasciné
par les hauteurs
les profondeurs
et que d'amour!!!
l'amour est art
l'art est folie
0670676977/0664118205
 


raffraichissez vous !! ;-)



Recherche

Archives

28 décembre 2009 1 28 /12 /décembre /2009 04:07

 

 

يمـــــكن

الأرض نعمة

والما رحمة

والبحر كلمة تعبر على

مواج الما

على گول المجدوب التايه

ف بلادو مغلوب

الأرض فدان ربي

و الخلق مجموع فيها

فضل يتسارى

فضل يدور

فضل تراب المعاني

علا ديور الياجور

اما اليوما التراب

ولا عيب ولا حشومة

ولا يوسخ ولا يفسخ

العقود المختومة

الواحد منا نسا كلمة الارض

نسا يكول ربي تعطيها

نسا يشوف نسا يتامل فيها

نسا يصلي نسا يترحم عليها

نسا المثلة نسا الحديث

نسا اصلو يخ من قلوب خزيت

تفكر ربك يمكن تشدك الندامة

تفكر صورة تجيك الفهامة

تفكر اية يمكن تعطيك العناية

يمكن يمكن

يمكن تطلع الشمس واضحة

 بلا كسوف

يمكن يبان القمر كامل

بلاخسوف

يمكن ترجع بلادنا منوررا

ناري ويسطع سماها

يمكن تهيج بحور بلادنا

ناري ويصفا ماها

يمكن يمكن

يمكن العقول تصا

يمكن القلوب تحن لمولاها

 

رجاء بوسبابة  2008


*****

***

*

كيتـــي كيـــــــة ...؟

كيتي ضباب طاح على عينيا

خلاهم للنار گيدين بيا

حتى وليت في رمادها منسية

كيتي سكين في قلبي ترشگ ليا

ولا واحد اقدر اجبد ليا

كيتي كية في حياتي ماهي منسية

ماني ناسية ما داز عليا

ماني ناسية المرّارة

مني طرطقت ليا

يا السامع ليا لهلا

يا علمك بللي جرا ليا

كنت ما بيا ما عليا

حتى لواحد نهار فكرت

نخرج من هموم الدنيا شوية

آفي طريق غريبة حطيت رجلي

آمشيت بشوية ، دق ، دق على

لنطيح وانجي مكفية

كنت آنسحاب لي طريق مزيانة ليا

ساعة هي حفرة وتحفرة ليا

مزال عادبديت

وهادي أول طريق ليا

كنت نحمد الله اللي وراها ليا

وليوم نحمد على ديك الحيات

اللي في االركاني ملوية

هداها الله ماناضت ليا

كيتي كية

ما نعرف مين سباب

ماجرا فيها ليا

حيث كنت مغمدة عينيا

ولا حاجة كانت كتبان ليا

حيث كانت علامة الخطر

كتحدر فيا

وانا ياسحاب لي راها ضو

ومضوي عليا

حيث كان ابليس بصفة انسان

في الطريق كيفرش الزرابي

والحرير  ، والورد ليا

ونانسحاب لي راه ملاك

رسلوا الله ليا

في عالم المثل طايربيا

وفي الحكايات كيرؤي ليا

ولكن الحقيقة هديك ماشي هي

واخا النار كينا وشاعلة فيا

واخا الناس امشوا وايجوا علي

راماهم شيفيني

ما أنا شيفاهم بعينيا

كيتي عداب في قلبي

وبكى في عينيا

ياناس اجيوا تشوفوا

ماطرا فيا

في الفواد غرقت من راسي

حتا رجليا

حالة الموت كانت فيا

لامين عتقني ولاداها فيا

وجاب قطيرة الما وقطر ليا

في كدوب الحب وزواق الهضرة

تغريت آدارت بيا

والغريب عمرها ما كانت ليا

حيث حياتي كلها كانت نية

كيتي قبر وحفرت ليا

كيتي كفن خيطت بايديا

كيتي نهاية لأحلامي وليا

ولكن اليوم

مابايدي منقول

غير الله اياخد الحق

في اللي كان سبابي في هاد الكية

وخلى دموعي نهار وليل

مهودة علي

ماني عارفة راسي من رجليا

عطفت وحنيت

بزاف ماشي شوية

وليوم مني تحرقت

لامين عطف عليا

و لاحن فيا

قالوا زمان اللي حن اتمحن

هاهي ليوم جرات ليافي محاين هاد الكية

كيتي قضية طرحت في محكمة

ما فيها لا قاضي حكم عليا

و لا محامي دافع عليا

لقلب اللي نرزاق

في الدنيا

شرق ليا

خلاني في البرد معلقة

ماعندي أمل في الحياة

ماعندي حرية

سلاحي ورقة وقلم

بهم نواسي راسي

ونحكي أحزاني

وأفراح قلوب منسية

والنادي بالانسانية

                                                                  فريدة قسامي  ثانوية القدس التأهيلية/2008

Partager cet article

Repost 0

commentaires