Overblog Suivre ce blog
Editer l'article Administration Créer mon blog



Dans ce bled semi-aride, à la sebkha de zima, l'oiseau, vient admirer le paysage et vivre la tranquilité que lui offrent ces saisons pluvieuses de chemaia.
Quelle tranquilité!! se dit le flamant rose...
*******
***
*



tel un dromadaire

joyeux et solitaire
tel un martinet
léger et fasciné
par les hauteurs
les profondeurs
et que d'amour!!!
l'amour est art
l'art est folie
0670676977/0664118205
 


raffraichissez vous !! ;-)



Recherche

Archives

14 février 2010 7 14 /02 /février /2010 20:38

افهمْ ولاّ ﯕاعْ لاتفهمْ

enf6.JPG
منّي كنت درّي

اعلى اخلاصي كنت نبرّي

مرّة نمشي...مرّة نجري

مرّة نوقف...مرّة نسري

 

كلام تعلّمتو وكلام تسرّبْ ليّا

شويّا اعرفتو والباقي ما تفْهم ليّا

 

والمصيبة ...

اتوهّمتْ راسي قاري

وﯕلت نعلّم الدّراري

 

واشْ اتعلّمتْ؟ احْسيفة


الكبت والنّقص والأنانية

زادو اعليّا

وبغيت انغطّي ما بيّا

هايْ هايْ اعلى ما اجرى ليّا

 

ابحال الشتى اوقعْ ليّا

الأم تجري وتطيح

والبو ادّاهْ الرّيح

واللّي ابقى غَ حالْ فمّو

يعضْ في السرْنيحْ

 

اكبرت واكبر وهمي

اتزادْ اكلامي وقلْ فهمي

 

ابغيت نفتي ونﯕول الموعظة

ونكون علاّمْ في التبوريضة

 

ضحكت اعليّا لمكحْلة

واجفلْ منّي العودْ

ماشي منْ والى كايتْوالى


*****
***

تّبليتْ بحب المالْ

ابغيت منّو راسمالْ

 

ﯕالو القومانْ

كل ابنادم عندو ثمنْ

واللّي باع راسو اشريهْ


ادخلتْ للانتخابات وخدّمْتْ لقوالبْ

صدْقوني النّاسْ وانا غير كاذبْ

اللّه غالبْ

هما اللّي اكوانبْ

ولاّ باعو روسهم بالقوالبْ

 النتيجة ابحالْ ابحالْ


كذبتْ كذبة اعلى راسي

وصرتْ عبدْ ليها

ولّيتْ انقلّبْ اعلى اخلاصي

وحلْتْ فيها

ابغيتْ غير ننعسْ هاني

آيْ هايْ مين انحصّلْ اعليها

 

اشحالْ يخصني باش انعيشْ

غني ولاّ درويشْ

قاري ولاّ ما قاريشْ

 

علّمونا الحرفة ومعاها لقْوالبْ

harfa.jpg
نسّاوْنا لمروّة احسبنا النّاسْ ﯕاعْ اكوانبْ

اديالي ليّا

وديالكْ لينا

 

اللّي حنْ يتمحّنْ

اللّي رطّبْ راسو يتحسّنْ

ويموت جيفة او ديفيلي

 

المالْ يحبْبوك فيهْ

ومنّي تبغيه

وتصيرْ عبدْ ليهْ

مين تْدوزْ ليهْ؟

 

شدْ الصّفْ واتساوخرْ

هيّا قبلكْ واقبلها لاخرْ

 

يشيط ليكْ غير الدّلْ

ويﯕولو ليكْ اللّي ابغى لعسلْ

يصبرْلقريصْ النحلْ

 

وافهمْ ولاّ ﯕاعْ لاتفهمْ

كون عوْدْ ولاّكونْ ابغلْ

 الشماعية
14/02/2010

Partager cet article

Repost 0
Published by zaki - dans Horizons
commenter cet article

commentaires