Overblog Suivre ce blog
Editer l'article Administration Créer mon blog



Dans ce bled semi-aride, à la sebkha de zima, l'oiseau, vient admirer le paysage et vivre la tranquilité que lui offrent ces saisons pluvieuses de chemaia.
Quelle tranquilité!! se dit le flamant rose...
*******
***
*



tel un dromadaire

joyeux et solitaire
tel un martinet
léger et fasciné
par les hauteurs
les profondeurs
et que d'amour!!!
l'amour est art
l'art est folie
0670676977/0664118205
 


raffraichissez vous !! ;-)



Recherche

Archives

22 juillet 2007 7 22 /07 /juillet /2007 13:17

خالتي خناتة و سي عزوز

 


خالتي ...خالتي خناتة
من القصبة راجعة هفاتة
للدوار غادية سراتة
فاتها الكارٌو
بغالو مانعين
رجليها يتجارٌو
ربي ليها اعوين


 

كْالت الطريكْ انزاهة
دارت الخيمة بين عينيها
وكْفضت
حزمت اعصابتها
وترزمت
دارت كريسها ف دهرها
وتحزمت
وآراك للبارود

 


غادية وتهفت
الطريكْ منجورة
اضرب لا تتلفت
مرة مرة تفشوت
ما سمعت ... ما تسمعت

غادية وتقلقل
الخير اكثير
بالسململ كايتململ
او في العكْبة
دارت ما يدير لبغل

 


حطت اليد على الركبة
كحبت او حزقت
لاحت كيلو لقت
هزت للسمى الركْبة وكْالت
ارعد يا مولانا ارعد

خفو اعظامها وتنفست
وحلفت لا وكْفت
حتى ل راس العكْبة
ماجارَة دحش
ما تابعاها كلبة

 


خالتي خناتة زادت
على فمها مالت
اليد على الركبة طاحت
وكحْبت وحزْقت
لاحتْ كيلو لفتْ

طولْ العكْبة يحنّتْ
غادية وتفشْوت
الغلْضْ يمرّت
الخيْر من جْنابها تفْلتْ
وبالسّملْملْ كايتملْملْ

 


من وراها ثعلب كايتسلّت
كايشم ويتصنّت
ويقيّد لمْقالات
وفْ راس العكْبة يا الخوت
خناتة وكْفت
تكَّات على اعصاتها وتنشرت
رجليها سرّحتْ
وتلفْتتْ

شافت سّي عزّوز وقفْزت
تحرْجت وحشمت
تلعْتْمت...وسوْلت
من إمتى وانت كتصنّتْ؟

 


الرعدة الاولى حزَتني وراك

 


من طرائف الفقيه سي عزوز
الشماعية 22/07/2007

 

 

 

 

Partager cet article

Repost 0
Published by mohamed - dans Contes du bled
commenter cet article

commentaires