كالتها الصدعة للوتار

كالتها الصدعة للوتار

تضرب الصدعة لوتار اعلى مصرانو

 .

ينين المسكين ويزيد ف تحنانو
يعيط عيطة وعيوط ويكول اعلى حالو
تتنيطع الطعريجة وتدير ابحالو
عشقها في المصران وف موّالو
تتودد ليه تّبعو وما تصير ديالو
عشقها ف البندير وآش ايدير
احبيبها ومن جلدها، راه ربي اكبير

ايلا ازهات الكلسة واجمعهم الود

وزادتهم الخاوة و لمحبةديال العود والجلد
تفرح الدويرية
وتزهى النصيرية
وترجع الحاجة ادريرية
والرادوني العمالة اكواتني وزادت ما بيّا

مع تحياتي لاوليدات وابنيات العيطة

الشماعية 07/11/2012

جمال عابدين الزرهوني
كلامك زين ...وحروفو باينة ....هزتي الخط بصدعة ضاوية ...تتنطع على المصران بموسيقى زاهية ...أنا الوتار ...والوتار أنايا ...ذات وحدة نطلب من العالي يكمل رجايا .....وتحلى الجلسة مع موحا الزاكي والناس اللي حدايا ...تحية خالصة .