سميه صابر

سميه صابر

سميه صابر
في الطريق سير حادر
لا تباهي لا تفاخر
لا تعلي صوت لا تجاهر
لا تشوف فوق لا تغامر

الزمان اغلى اعليك
طيع الحاكم اعليك
كون ليه خادم
وتهلى واسمع لوالديك
ايلا والد لولاد
راهم ليك اوتاد


انسى لدهم وانسى الزناد
واللي تخدمو طيعو
بلا اصداع الراس
هذاك مكتوبك
والمكتوب ما اعليه اهروب


بارك من لكذوب
والهدرة اللي تبرد لكتاف
راه بقلة لكتاف
من الطريق نخاف
او هذا الشي راه بزاف


الوقت اوزيعة
كلا ادى كرعة
وانا وانت ياولد القرعة
نعس ولا ابقى عساس
ضرب السبسي
ولا هرس الكاس
عندنا ثلث الأخماس

او ما في الهم
غير اللي يفهم
واللي ما افهم
غير يلحسو ولا يمصو

ولا يشوف فين ايديرو

احنا غا داويين

19/12/2007