غزال ولا اعسل ولا ريح بلادي

 ريح ابلادي

ڴالو اعليك الصيادة غزال

ڴالو اعليك الحياحة احجل

وڴالو اعليك اعبيدات الرمى

اسمن واعسل

لعوينات ابحر

فيهم اغرق بابوري

ولفيم احمر

فيه حارآموري

النيف ڴمحة مسقية

والخد وردة بلدية

والشويرب حيرني في ذاتي

الشعر ليل طير انعاسي

والريق احلو نساني في كاسي

واش هذا أنا ولا كلنحلم آ راسي

مالت لرموش على الحاجب

تكمشت الظلمة وسط الضو ربي يحاسب

وسكرت مرتين

مرة في عينيك

ومرة في عينيك من الداخل

وشربت خمرتين

ريق احلى من لعسل

وزين يسلب لعقل

هي بنية

ولا تحاجية

و لا ريح بلادي

واخ يا لعمر واخَ

 
!  زيديني عشقا زيديني 



الشماعية 01/12/2008 
04 صباحا