الصحة لمحمد الحبيب العسالي

الصحة

الصحة ترشى بالهم وبالسم

العين تطيحها وتنشف الدم

ادوام التعب يحيطم لعظم

لحسد تشوفو من الخو ومن ولد العم

لا تشرگ فيك الصحة لحماق

لا تغرك ما زال ليها تشتاق

گدْ ما طوْلت جايها لفراق

ايلا طال عمرك اعليك ب لفياق

مولاها سلطان بتاج الراس

بلا اخبارو وف خبار الناس

داري اعليها لاتكون هرّاسْ

خلّيها نافعة يتبث السّاس

ايلا غابت يبقى لعقل ثابث

ماشي مرض في المخ نابت

ايلا ف اشبابك صحتك سابت

ذاتك في شيبك تكون عابت

                                                   محمد الحبيب العسالي

                                                  04/02/2009