آلْمكسي من برّة آش اخبارك من الدّاخل

آلْمكسي من برّة آش اخبارك من الدّاخلْ




ابدات الدنيا زينة و تبدْلتْ
من أهل الله الصّلحين
لأسفل سافلين

كانت الوقت صافية
فيها الصّحة والعافية
وْ لعقل في أعلى علّيّين

مول لعقل يزيد لْ ﯕدام
من غيرو يعْبرْلكلام
وْ يتْأدّب في حضرة الشيخ والإمامْ

واليوم اتبدّل كلْشي
ولّى الجاهلْ يفتي
والعاقلْ حشْمان
وا ازْمان هذا يا افلانْ

النّاس اهتمتْ بالمكسي
وانساتْ اتميّز العاقلْ
يا المكْسي من برّة
آشْ اخباركْ من الدّاخلْ

ردّو المجدوب اعلى الحفلة
امشى غيّرْ البدْلة
ارجع واستقبلوه
لْ وسْط المجمعْ زيْدوهْ

اتحط الطعامْ
مرْحْبا وْ زيدْ لْ ﯕدّامْ
سوْخرْ المجدوب فمّو
ﯕالْ وْ قدّمْ كمّو:

كولي أ جلاّبتي
المعْروض هو انْتي

شي ﯕالْ هذا امْدوّخ
شي ﯕالْ هذا مْنوْنخْ
وْ اقْليلْ الّلي افْهمْ آشْ اجْرى
اكثيرْهمْ ياكلْ وْ يسْتبْرى
يلْبس وْ يتْعرّى
وْ ما داري آشْ جاري

داروين ولْد لحْرامْ
 ﯕالْ العضْوْ
اللّي ما يخدم يتعّدمْ
هوﯕالْها اعلىالجسمْ
وهي تسْري اعلى لعقلْ اللّي ما يْخمّمْ

ﯕال حمْزة سيدْ الشهادا
اللّي اخْرجْ في اللّيلْ وْ طافْ الصّحرا
يعْرفْ أنّ الله اخلق كلْ كونْ وْ مجرّا
ما يتوضعْ بين حجْره او حجْره
دليل اعلى رحمتو الما والشجره
آية من آياتو الشمس والْ ﯕمْره

سبحــــــان     الــــــلـــــــــــه
الحــــــمــــد     لــــــلـــــــــــه
لاإلـــــــه  إلاّ   الـــــــلــــــــــه
الــــــــلــــــــه  أكــــبـــــــــــر
لا حول ولا قوة إلاّ بالـــــــلـــــه

                                             الزاكي/بنهروس
                                          الشماعية 11/06/2009