مقتطفات من قصة واقصيصة 1

مقتطفات من قصة واقصيصة1

الله يا لحباب
الزمان غلاب
قهرني الصير ولقراب
وزادوني النساب
وعواجت العيشة

اغلات البصلة ومطيشة
غاب اللحم وبانت الدشيشة
واحلات العشرة مع الشيشة
وتلفت اسواري

وانت آ لقرع يا جاري
بدلت المركد
فين ما والاك تجمد
جربتي او وجهك تجلد
وانسيت ما ساري

اتوالات الاحداث
اللي عرفتي واللي ما عرفتي
فرخ الهم واكثر
بحال ولاد السمان تحت السدر
اللي ما كان يتكلم
 سار اعلي يفهم
ونغص اعلي احياتي

انت يا الحاج الله يكون في اعوانك
درتي الهم اوراك القيتيه قدامك
من الكبرانية اصغار شانك
بين الهم والمرض والسمسار
ومولات الدار
اتلف رايك وتودر اكلامك
وبدل ما تشد فمك وتستر
فورتي على لرنب في اسدر
ومني ناضت النوضة
 عاد بوبي بغى يبعر

21/04/2004