صراع الأجيال

صراع الأجيال

عشت او شفت

الراجل يغير من ولدو

ايلا هناه يجبدو

ويلا فرقو يمشي عندو

يحگرو ويهد جهدو

ويبقى هو الفروج وحدو

اللي دارها الولد زينة ديال البو

والخايبة عند البو سبابها ولدو

ازمان حگرة البو لولدو

الدري مسخوط والبو الله يحفظو

ويلا عاش الباز عاشو ولادو

اللي بغاها البو حاضر نعاماسِْ

واللي بغاها الولد ما حشمتيش آالگنسْ

ومنين غادي تجي هاذ النفس؟

لمرة تغير من بنتها

البنت ايلا ترزنات

وفي دارها تهنات

اعليها امها اتقلِبْ

على راجلها تگلبْ

ويعيشو في النكاد

عاد الأم تتنفس وتتشفى

وتگول ليها عاد سرتي امرة

وما ابقيتي راضية بالحگرة

واحضي من الضرة

الحصول الله يخليها جرة

بين انسيب خاضع وانسيبة جايرة

الزمان مرفوق والمرة حايرة

الراجل غير ظالم ولا مظلوم

الكية كية لولاد يالمحبوب

الركيزة  ْمسوسة والمكب متقوب

آش من اولاد اعطينا للبلاد يا لعباد

الدري من دارهم مظلوم

يدخل للمدرسة مهزوم

فاقد الثقة من اليوم

شحال جهدو يقدف ويعوم؟

مظلوم ومهزوم

ايلا ما اسقط البارح يسقط اليوم

واللي عندو الزهر او كمل

اعلى خوه وصاحبو يتجمل

اضعيف النفسية

خاصو تنشئة اجتماعية

خاصو حس الوطنية

او فين هذا الشي في البرامج التعليمية؟

ويلا كان... باش من كيفية؟

نحوز ليك اوتهلى فيا

واللي ما ابغانا نعادوه

وعلا البزيزيلا نبعدوه

اشوي ليكم والباقي ليا

وهذي هي العقلية

  اللي كاتحكم الموارد البشرية

Il n y a de ressource que l'homme !!!

22/08/2004

س00 و01 د

  voil