جدة

جــــدة

جدة...

كون غير ابقيت ليَا

كنت احنينة اعليّا

كنت كتتهلاّي فيّا

في صندوقك من كل حاجة اشويّا

هذا حمص هذا لوز

وهذا فنيد المگانا

شويا لختي وشويا ليّا أنا

ايلا جعت

تعطيني لكرون

بنين واسخون

وأتايْ بالنعناع لمعاشي

كان يعجبني الخبز بالعروگ

طايب اصفر ماشي محروگ

 والتريد بالمساخن والدجاج البلدي

كول او تبرع يا گلبي

والدشيشة  بزيت العود والحلبة

وفتات شطبة

كانت تدير لينا الملّة

بها فينا تتهلّى

وخبزة الثومة

في الزيت مدهونة

كولها ما تگول احشومة

وآرا ما تلعب

حتى تروح كيف الكلب

واشحال من حاجة زوينة

ارخيصة وبنينة

دارتها جدة او جدّاك

كلاها ابّا و ابّاك

وتمتعت بها لقبيلة

وليوم ...

اللي بغا يتهلاّ في اولادو

كايديهم للماكدو

كلاّ كاغطو في ايدو

لا برّاد لا صينية


25/09/2008

                                                                                                يتبع