فرَد او ما ولَى

بلاد سيكي وتلم الشمل

آه يا الشماعية لحبيبة

اصغيرة واحوالك اغريبة

بلادك سيكي وشعابك صعيبة

بناتك شيكي ودعواتك قريبة

يڭولو اعليك اهبيلة وانتي لبيبة

يڭولو اعليك اعدوة وانتي احبيبة

يڭولو اعليك هايعة وانتي زريبة

تجمعي الحمل وتلمي الشمل

وتتسماي لقصيبة

و حتانا عندي كية

في لقصيبة الشماعية

الحب اللي بلاك بلاني

والهم اللي اداك ما خلاني

كنت ببلادي

صرت براني

واش هو الخبز

ولا لحديد اللي جلاني

في كل حبة نبتة

وفي كل كلمة معنى

النبتة تجني حبات

والمعنى تفرع معاني

الحبة للقوت

والمعنى للسروت

واللي ما فيه اغدر

شرج عودو قبل لفجر

تحرف الكمية والخنجر

او فرَدْ او ما ولىَ

                                                            الشماعية

                                                       30/11/2008

                                                         س16 و06د