الترابي

التْرابي

 

سمعوني يا النّاس

الولد ولدتو

او بيدي ربّيتو

السر ليه اعطيتو

العز ليه ابغيتو

الولد ولدي

ما هو عبدي 

اكبر او علّى

فرّد او ما ولّى

ابغيت ربّي يسهّل اعليه

يولّي اطبيب ولاّ نجّار

فلاّح ولاّ بحّار

طالب امعاشو ولاّ من التجّار

ولاّ...ولاّ

الرزق مفروق

والمصير مشروك

وتحيا ابلادي

ابلادي ڴاع الدنيا

فيها انعيش وفيها نحيا

وخّا لقيودْ

وخّا لحدودْ

وخّا البارودْ

وخّا العنصرية

بُونا آدم

وأصْلو اتْرابْ

ماشي خنزير

ماشي قردْ
ولاّ اغرابْ

الأصْل واحد
والاقْوام اكثارْ
فين تلڴى لشرار
تلڴى لخيار
شي للجنّة وشي للنّار
ولحساب اهنا ولهيه

واللّي تظلم
او ما هزْ السيف
عقلو اخفيف
وما فيه اتْمارة
الظلم حڴرة
والحڴرة ادْسارة
واللّي احشمْ في اللّي ضرُّو
الشيطان غرُّو
اللّه يردْ بيهْ


أڴادير
31/12/2008