حلمي ليك اهديتو

حلمي ليك اهديتو

شفت الزين

مكحّل العين
ما اعقلت فين
 

واش هو لكبرْ

ولاّ القهرْ
ولاْ قلّة النّظرْ
 

ولاّ لعقلْ

ادّاتو وْحيْدة

بنت امْيليدة

شفتك في النعاسْ
ڴلت لاباسْ
اغزالي واتاني

احضنتك بين ادراعي
تسلتي بين اضلاعي

وصرتي لڴليبْ
صرتي لكبيدة

الزين ابلاني
النوم اجفاني
سدّيت عيني
صوْتُو نباني
حلّيت عيني
طيفُو نجاني

شمّيت ريحتو فْ النّوار
زارني طيفو بنهار
وسرحْت في احلامي

شفت الدنيا
ب بلْعْمانْ مطْلية

الناس ابعاد واقرابْ
انساو لعداوة، رجعو احبابْ
واتْنهّتْ الحريّة

فقْت من النّعاسْ
كون غيرْ ما فقتْ
شفْت النّاسْ
كون غير ما شفتْ

الله يرحم من ڴال
 

من نكد الدنيا على الحر
أن يكبرفي زمن ما يفتأ يصغر

 
أ ڴادير
01/01/2009
س00 و د 08