حال العربي

حال العربي

حالك يالعربي راه بكّاني
زعزع قلبي وهز كيّاني
بلّلْ ارموشي بدمعْ اعْياني

همّكْ طالْ وزادْ اعْدابكْ
دمّكْ سال وْ فادْ عديانكْ
سمّكْ حالْ وْ فاضْ فنيابكْ

بادْبارو اعطاك العزْ
 وڴفّى ما ولّى
باحجارو ارماك الدّلْ
واعليك اتخلّى
وبجمارو احماك التاريخ
واعليك اتخلّى

فين الهمّة والشان الّلي كانو ازمان
كلشي خان واصبح في خبر كان
يا ما كان من اصحاب ليك ولاّو عديان

صهيون ڴدّات بالنّار ذاتكْ

بوْڴيدك شعلتها وبزيتك اقلاتك
سفّحتْ اولادك وغصْبتْ ابناتك

ولا من ڴالْ من الغربْ هذا عارْ

ولا من سالْ من الشرق وڴال هذا جارْ
لْغاهم فيك يْسوط صهْدْ نارو

اغفيت واحلمت بيك اعليهم حاكم
فقت ولقيتك في حالك باقي هايم
حتى لين هذا حالك والهم اعليك يتراكم

اخلقْ التحدّي واصهلْ وسمّعْ حسّكْ
واتْسعْقلْ واعْزمْ وبالعقيدة اتمسّكْ
تنتاصرْ وتغنمْ والذلْ ما يمسّكْ
ريّحْ اقلوبنا ما تبقى ڴدّامنا تتْحسّكْ

العسالي محمد الحبيب
الدرابلة الشماعية
26/09/2008