الشماعية...صوْتي اعْليّا1

الشماعية ...صوْتي اعليا 1

ﯖال ليك البارودي

غا ﯖعدي ولاّ نوضي
الميزان ليك شادّو
والثلث من الخمس ليك مادّو
حاسب البزّول عاضّو
وهو غير رافدو
كلّ قالبو اعلى جهد و

واحد ولد لحرام
متأخرْ وحاسب راسو الﯖدّام
محسوب علْ الطلبة وهو من لعوامْ
ياكل بايديه بجوج على طولْ ليّام
طاحت كرشو وْ وْراه هزْ عرّام
اتعلّمْ يبيع لحلام
وفي السياسة ﯖال اكلام
من حزب ينقّز لحزب يا سلام
واتعلّم الخطاب السياسي

يا سكّان المدن والأرياف
هزّو اوراقكم وعرّو علْ لكتاف
ابلاد الأمان ما كاين منّاش تخاف
خدْمو ابلادكم وصوتكم اعطوه لينا سلف
وضْعو ثقتكم فينا احنا ناس الشرف
الصّوت باحلاوتو كلْشي اسمع وْ شاف
بكم اطلعنا وْ بكم نطلْعو
احنا نربّو السوالف وانتم صلْعو

ا                                           الشماعية
22/06/2009                                             
 ي                                                                           يتبع