الشماعية...صوتي اعليا 5

اخدم تيْدمْ...اخدع تندم

فين المرافق الصحية يا حضّار
من السويقة لْ لاﯕار
والدرابلة حتى هي

فين التنيس والمسرح
فين الملعب والمسبح

فين الحركة و الخيل
فين الباز والسلوﯕي الطويل

فين دار الشباب ولعراصي
فين التفوق الدراسي

فين احبابك واحبابو
فين الناس اللّي كانو اهنا وغابو

ابلادي كانت جنة
بها مع الطير كنت نتغنى
ضربوها بعضين للﯕنّة
سلبوها ما كانت تتمنى

واليوم هانتوما شاهدين يا الجماعة
اتحزمت من الشبابية بارباعة
نواتها تصون ما تكون وزّاعة

تطلي لحجر
تغرس الشجر
ما تدير اعفر
راها في ابلاد احمر

واحمر لحمة اسمينة ومسمومة
ناسها شرفاء وادعاويهم مقبولة
ايلا ما اقضات دعوتهم سيوفهم مسلولة

شايلاّه آلحمريات آحمرات لﯕصاص
مجبنات الما في زيمة ومخرجات البارود في عكاز
واللّي خان ابلادو ما هو ولد الناس
راه سيدي شيكر اعليها عسّاسْ

الشماعية
25/06/2009