طول العكْبة

طول العكبة

في كل قبيلة
وحدة بعقلها و وحدة هبيلة
في كل بلاد
 كاين القاسح وكاين الكذاب
وطول العكبة
يفرق لحباب

في ازمان
لقبيلة كانت أمان
ماتفرط في أرض
ما يتهتك ليها عرض
واللي سخطت عليه امو
يحك اعليها

مني الحماية دخلات
وبالطمع تعمات
على لقبايل حكات
ونواتها ساهلة

ناضت في الريف وجبالة
في الحوزوعبدة ودكالة
في الرحامنة وزيان والسماعلة
وفي ...وفي...وفي
وفي لبلاد...
كاينين لعيالات وكاينين الرجالة

في مديونة تعاهدوا وليدات الشاوية
وتحت الكرمة تفرق الديوان
اطلوع النجمة يحزنا تمة
والخاين يخونو الله
واللي ما عاينو في لغدر
شرج عودو قبل لفجر
وطريق جعيدان
غادية نيشان

وهنا ولهيه
شبر ما نفرط فيه
بولدي وبنتي نحميه
شي يمشي وشي يحضي
واللي مات يخلفو الله

عوق الفروج
تساطح البارود
السمعلية تدردك
هازة لمدك
وفي لاربعة، كان موسم ولا حركة
وفي بن كرير،الغبرة والكور يطير
وفي بو عثمان، الطرابش كيف بالعمان
وفي جبالا، ماتو وحياو عيالات ورجالا
وفي الريف،الضرب بالرصاص والسيف
وفي الجبل،
ضرب لا تحصل
موت ولا اقتل
وتحيا لبلاد، يا لعباد
وفي لمدينة، لعقول منورة وزوينة
ما نساو حب، مانساو تبينة

فين فرنسا والإسبان
فين البرتقيز و الرومان
وقبل منهم شلا قومان
ما تمتعوش بالأمان
راه الهاجم يموت شرع

من وحي العيطة 
16/06/2007