الخيل مربوطة

الخيل مربوطة

اللي ماداق لعذاب، كيفاش يتكلم اعليه

اللي مااعرف جوع، اصعيب يحس بيه

الكلمة بلا احساس، ناقصة ومحجوبة

والجملة بلا ساس، اعلى مولاها مكلوبة

غير اللي ناض بغى يفتي

واش هذاك انت ولا شي مصطي

في ازمان النبوة قال سيد النبي

شلا مصايب كحلة غدي تصيب أمتي

يحير العاقل فيها ويقول آش هذا...كيتي

ها لمرة ولات راجا، وها الراجل ولا امرة

اللبيب ردوه غافل، وتودرت لمروة

الخيل ربطوها بسلاسل، ولحمير اتحرك في الغبرة

فاس 31/07/2009