اوليدات الجالية

اوليدات الجالية او لعوين

اوليدات الجالية

ودْعو لحباب والأهلية

توزعو في أراضي برّانية

يخدمو ويجيبو العملة الأجنبية

ويساهمو في الميزانية

ويحلمو بمستقبل ازوين

في الغربة يحنّو للأرض وترابها

يتوحْشو لبلاد واحبابها

يتفكرو اهل لبلاد واصحابها

ويتمناوها تخرج من لمحاينْ

وفي الرجوع، ها اللي جاب التفكيرة لحبابو

هاللي جاب الكادو لصحابو

ها اللي القى ناس كانو هنا وغابو

شي فرحان وشي احزين

المهاجر مع التقدم اتفاعلْ

اتحرّرْ من لعﯕز ما ابقى واحلْ

اتحزم او ولّى راجلْ

لبلاد خاصها لعوين

اندير ايدي في ايدْ الجارْ

نخدمو الحومة والدوّار

ونكونو ناس احرارْ

واعلى الحاجب ما تعلى العين

هذا الشي كاين ماني كاذبْ

في اولاد بن عزّوزْ سولو الطالبْ

اعلى اوليدات الجالية يا الصاحبْ

اعلى ابني الجامع ﯕاع امتافقين

ها اللّي يخلّطْ السيما

ها اللي يبني لحيوط

ها اللي حاضر ديما

يجيب السخرة من راس العين

المهم في القضية

الدراري ولاد الجالية

بفلوسهم وخدمة شخصية

ﯕاعْ محزْمين

بعملهم احياو قضية

مفهوم التويزة في العربية

ها هي رجعت حية

فينك السلطة المحلية؟

الناس راهم مستعدين

طريق الدوّار مقطوعة

احيوط الجامع للضّالة مرفوعة

 

ابغينا كلمتنا تكون مسموعة

فينكم آ المحسنين ؟

 أبناء دوار اولاد بن عزوز قيادة رأس العين دائرة أحمر
 اقليم آسفي يرحبون بمساهمتكم لاستكمال بناء المسجد

الاتصال بالرقم الثالي : 0655610013 
                                 ( عبد المجيد لقزابري--مصطفى)                                   

                                     
                                    اوليدات الجالية

                                     اولاد بن عزوز

                                    راس العين

                                   الشماعية

11 /09/ 2009