مقتطفات من قصة واقصيصة 2

2مقتطفات من قصة و اقصيصة

في راس الجبل والبراري
هزيت اكفوفي للعلالي
 واطلبت من الكبير العالي
يحفظها و لا يرحمها اغزالي
المرض اطغى اعليها

نص ساعة في ذاك الصباح
اكثر الصياح
واعلى النواح
اميمتي للوداع طالباني
السرعة اركبتها
طول الطريق ما عياني
اكتاب المكتوب والاجل اداها


الله يرحم امي وامك يا نور العين
ويغفر لينا كاملين
ويرد بينا
قولوا آمين يا الحاضرين


البو امكب والأم اركيزة
ايلا مات البو توسد الركبة
وايلا ماتت الأم توسد العتبة


ماتت الأم
زاد العم على الهم
واحلات الخاوة يا الفاهم
الخو مفقود والولد مولود
واللي بقى في النصل يكرض لبصل


عنداك تكون مهبول
احضي من لكلام المعسول
راه في جلد لغزال مخبي الغول
والتفاهة تفاهة والمعقول معقول


اعلاش آراسي هازها مين اتقالت
دير الهم في الشبكة
حتى شي ما يبقى
فكر فيها ولا هنيها
بحال بحال
دوام الحال من المحال


الكلب أمين ويفضح اماليه
المش احنين والسر فيه

اللي غرتو الدنيا يزور لقبور
شي اطويل وشي فيه شبور

اجمعها ولا كفك متقوب
لكفن ما فيه اجيوب
كلشي كدام الموت مغلوب

او

حر الموت نأديه
آخايت ما حرها ب امراتة
كل ما اكسبت نخليه
غير من سعد الوراتة

انعام آخيي عمر، لكفن ما فيه جيوب
 

21/08/2004