26 août 2007
7
26
/08
/août
/2007
01:46
L'impossible...le paisible
Amour impossible
Amour paisible
Amant de serpent
Amant de scorpion
Ceux des lions
celles de chatons
Voire ... dragons
Aimer !! être aimer!!
Amour magique!
Amour divin!!
Ventre vide...
Cerveau plein...
De beaucoup...de rien
Attiré(e) ...pas de lien
Passe la frontière
Casse les cordes
Envole toi poulain
tout prés ...bien loin
Amour des terres
Amour des meres
N'osent hair!!!
Aimer à périr ...
... A mourir
J'aime l'arbre
J'aime le sabre
J'adore le cheval
Je suis l'oisillon!!!
Viens papillon!!!
Amour magique
Amour divin
Amour des terres
Amour des mers
Haut...! je plane
Plus rien ne me retienne
coeur de poulain
26/08/2007
00h 02 mn
Published by zaki
-
dans
brises
14 août 2007
2
14
/08
/août
/2007
16:26
في خاطر لحباب 9
عاش الدراري
عقلتو آ الدراري في ديك الصبحية
والطاقة ضوات اعليا
وسمعنا لحديد يرولي
كْلنا هذا القايد اهداه الله اعليا
جا يطلق اسراحي
تحل الباب اعليا
طل واحد من لمخازنية
وكْال اعلى سلامتكم
سبقت الفرحة ليا
ونضنا للباب كاملين
ما فايتش اعلينا
سد الباب اعلينا
واحد بواحد ابغينا
ديروا النظام...راكم قاريين
عقلتي آ فروح
مني جابو ليك الدبوح
سبقتي تسني باش تروح
انت اخرجتي واحنا اتهولنا
اسمعنا الداكتيلو
لعصى في جلدك ضنينا
مني تعطلتي اعلينا
اعلى سلامتو نوينا
اتحل الباب ودخلتي
كاملين ليك شرشنا؟؟؟
آش تشوفوا
راه غير البيرو شطبنا
ليكم ها احنا ارجعنا
بالواحد بالواحد كرطنا
وبفلوسنا خلصنا
وفي التريكْيل ما فرطنا
ساق السي الراضي لخبار
مشى عند الحاج العربي السايح يا حضار
الدراري مشدودين في خطر
واش كاين شي ما يدًار
جاوب الحاج العربي مهموم
غير هما اللي جاهم الشوم
لا تفيق ليهم كْاع من النوم
أخًايت هذو ولاد اليوم
وا يصبح ويفتح
الحاج عبد السلام المرحوم
اسمعها ما ادًاه النوم
الفم مبسم والكْلب مهموم
شاف فيا وتودد
العين حمرا والخد مورًد
ما تكلم ... وفهمت القصد
إخْ اعليك يا ليًام
جاو اولاد السفناج والزاكي
احضر القايد والرايس حاكي
كون ما المخزن كون كلشي شاكي
الحمد لله بالبرود ديال الواليدية
ومن اليوم يا اولادي
تمتعوا فبلادكم وابلادي
ولهلا يخطينا احكام
... الله ينعل الكاذب آسْ
كال الحاج بلحسيني
فلوس حلال
للواليدية دات ولدي جمال
حتى طيرو ليه شعكوكة لهبال
وبقى راجل من الرجال
زاد افروح كْال
شحال الزنقة زوينة
واخ بالشطابة عيينا
الطاير الحر كيموت في لقفز
واخ تعشيه ب الوز
تحيا الشماعية
تحيا الوليدية
تحيا الحرية
وعاش الدراري
في ذكرى السلخة الثلاثين
غشت 2007
Published by zaki
-
dans
hommage à la jeunesse
14 août 2007
2
14
/08
/août
/2007
04:13
Assounfou
Un peu sur la même chaise
j'ai fait quelques prises
un café nouss/nouss
moitié lait
moitié café
bien fait
le garçon...
me connaît
juste à coté
un couple d'étrangers
un plateau de thé
thé à la menthe
avant de reprendre route
à la main ...
l'eau minérale
bien fait au rénal
à voir défiler
sniffeur de silicium
cireurs de souliers
vendeurs de cigarettes
et pleins de charettes
mulets sans culottes
devinette!?!
où font leurs toilettes!?!
juste pour te dire
13/08/2007
9h027mn
Published by zaki
-
dans
brises
13 août 2007
1
13
/08
/août
/2007
00:54
A peine levé
Levé...
pas encore réveillé
ça me plait...
à toi...penser
au petit café
on boit du thé
simple...est la vie
on regarde défiler
les gens de tout age
du débile au sage
Nous!!!....
têtes encore pleins
de souvenirs non lointains
de beaucoup...de rien...
tantôt...haut
tantôt...bas
le ciel s'abat
étoiles ...luisantes
étoiles ...filantes
que de souhaits!!!!
Toi...Toi...Tu me plais!!!
petit fou
12/08/2007
08h23'
**********
Published by zaki
-
dans
brises
9 août 2007
4
09
/08
/août
/2007
15:43
في خاطر لحباب 8
عقلتي آعبد العزيز
عقلتي آعبد العزيز
تشهينا بو عويد ولآ لفريز
والعرصة محضية
كْلتي أنا مولف التحنقيز
يسلكوني رجليا
وانت آش كْلتي ليا
جاوبتك يا لعزيز
الواد اللي داك ما خلاني
ادخلنا للعرصة نتسلتو
خرجنا نهفتو
نجرو ونتلفتو
مول العرصة مشرج لدهم
يجري كْاع ما يندم
تفرقنا ليه
تلف بين اهنا ولهيه
ما جا يفهم
حتى ادخلنا بين لحيوط
بلاتي اعليك يا بن الملكْوط
آداط السلكْوط
راك معروف
نضحكو ونلهتو
ما جينا من العود نفلتو
حتى شبعنا تفنزيز
طوز..طوز..طيـــــــــز
ودعاوي الخير ينفعو
كْال ليك كْور الطلبة
النهار الخايب يحزك غايب
الدعوة مشروكة مع لحموزات
نهار صاكْونا للبنيقة
كنتو في السويقة
في الشماعية
جبتو لحليب والشهدية
وكول يا الجيعان
تشرع الباب
بانو لحباب
ما كاين لا خبز لا شهدية
كون ما لمخازنية
ما نشدوها حتى للشماعية
ولكن جنافو عليك آ الستين
ابحالنا بحال اخرين
كلشي باين
غادي تخرج غير تساين
وايلا عييتي
انعس شوية
يتبع
Published by zaki
-
dans
hommage à la jeunesse
9 août 2007
4
09
/08
/août
/2007
15:26
في خاطر لحباب 7
الدراري
عبد الواحد البيلاني
في تفكيرو كان براني
اشوى لكراب واعطاني
ولايني بنة هيا
اقريعة حمرا
والماحية لعدوة
زادوها سباسة
ولات احلوة
بن الجمل يا الخاوة
وحاميد الزاكي حتى هو
عبد الله بن الجيلالي
واحمد الحلاوي
والحسين الرايس
كْولو ليه يتكايس
وشحال يحلى النشاط آسْ
نور الدين الأناقة
تْكول هذا نصراني
الجنيدي اللباقة
تكْول هذا براني
وافق شن طبقة
لمحبة بلا عياقة
وفي الحصلة سلتو كاملين
اصفايحك ما يبركْو اهنا
وانت يا عبد الكريم
دروش و اخصيم
ضربوك...طاح عليك الضيم
و ما تتساهل يا الصحايب
كْاع بقيتي فينا
تكبر وتنساها
عبد الله إيكْوديان صغير
كان بلى و كا يطير
ولكن كايسمع ويتصنت
ناضت لعصا وافلت
عند خالو سلت
وتهنات القضية
يتبع
Published by zaki
-
dans
hommage à la jeunesse
9 août 2007
4
09
/08
/août
/2007
15:05
في خاطر لحباب 6
الحال...الحال
الحال والحال ما يشاور
تكون كْاعد حتى تتحير
واللي تزير
ما كاين فاش يتخير
فين ما ولاه الما يطير
المصيبة ايلا كان الما لكبير
والبيت مسدود وصغير
وعامر دراري
شي يحزق شي يبول
طاقة وحدة الفوق على طول
وشم يا المهبول
واحد منا تزير
غير كْاعد ويتحير
ما بقى ما يحصر
شاور أحمد لفقيه
كْال ليه إيواك لميكة الشهدية
تنفس وسد اعليه
وعنداك تشيط ليا
محمد إيكْوديان
معلم النيشان
في الكورة والعوم مزيان
واحوايج اخرى حتى هيا
بالخف سربكو في الميكة
ما كاين لا وسخ لا تعليكة
والريحة حتى هيا
الله يعطيك الصحة
يا الهلاابا
السايح مشروع طبيب
ارزين ولبيب
مأذب ما شي سفيه
يدوز على الصداع من لهيه
لبس الفوقية ولا افقيه
اعليه سولو لمخازنية
فين الطبيب
بان يا لحبيب
نداووك في هذ لعشية
سي أحمد سرط ما ا دوى ما تلفت
حتى جرو المخزني من الفوقية
نوض انت لهيه
نسلخو امك شي شوية
ناض السايح يتجر
في جلايلو يتعثر
غابر وسط الفوقية
خلي عليك لفقيه
كْالوها لمخازنية
تقتلوه ونوحلو فيه
غير خليه اعليا
وا سلكت آحميدة
يتبع
Published by zaki
-
dans
hommage à la jeunesse
9 août 2007
4
09
/08
/août
/2007
14:32
في خاطر لحباب 5
التحدي
شكون كْال على على لعصا نكْدو
نتحداو لغدر
وعلى لوجع نضحكو
مني واحد منا يجرُو
ولعصا في جلدو نسمعو
لبعضنا نتحازو
ونقراو اللطيف
مني صاحبنا يرجع
مهموم باغي يتفركْع
هذا يلوح كليمة
وهذا يتبسم تبسيمة
حتى النور في وجهو يتقشع
ونكْلبوها ضحك
ولمخازنية والقايد
يموتو ب لغدايد
مني عياو من لعصا
مشاو للعسة
ولاً داتهم نعسة
حتى احنا عيينا
اكثر البول فينا
نبولوه في القنت ويرجع لينا
ومني النعاس غلب اعلينا
في البول سرحنا رجلينا
وشحال دافي آسْ
بين البول والويل
والضحك والتريكْيل
انا وعبد الحفيظ
نعسنا مقردين
مرة يتكى على اكتافي
مرة على اكتافو نتكى
مرة تخرج تنهيدة
مرة تسلت نكتة
وسهرنا الليل
الليل يا عيني يا ليل
لا شمعة لا قنديل
لا نعمة لا ما يسيل
لا نغمة لا مواويل
الدراري ناعسين
شي يتنهت وشي ينين
لمخازنية مرعوبين
علينا عاسين
ولا منا خايفين
عقلتو على عبد الجليل مسكين
صبح ينين
توحش خبز مٌو لبنين
القهوة بالعطور الزين
وريح بلادي
واخ يا لعمر واخ
طوال عليه الحال
تنهت وكْال
الملل آخويا الملل
ركبتنا موجة من لهبال
ضحكنا ضحك حلال
ما يتشرى بمال
الغمة...الضحكة فجاتها
تموت العكْرب وتموت سخارتها
تموت اللفعة وتقطع كعلالتها
وسعداتك آ فاعل الخير
يتبع
Published by zaki
-
dans
hommage à la jeunesse
9 août 2007
4
09
/08
/août
/2007
12:32
في خاطر لحباب 4
ياك صاكْونا ...صاكْونا
صاكْونا وسط الناس
منهم الحاضي ومنهم العساس
والقاريين فينا ولاد الناس
كْالو هذا ظلم ولاباس
ما يدينا اعليه انعاس
ولمن تعاود زابورك آداود
صاكْونا والناس تشوف
صاكْونا صوكْان لخروف
ادخل للزريبة وتشوف
ماكْدهم لخروف
دارونا حلٌوف
دخلونا للبنيقة
هذي ركلة وديك تسرفيقة
والله ينجيك من المشتاق ايلا داق
واحد ما قاري
معقداه لقراية
يعايرني
ويهين الزين اللي حدايا
احسب باللغة العربية
واحد ...اثنان
الضربات على اللويدات
ب العصا والتيوات
والله يخليك يا الدنيا
و انتي مولات لغدر
النعجة جارية على القنجر
والسلوكْي يتمنظر
نوضو اعطيرة
تبعوه جمال و حاميد
لعصا على الرجل و اليد
و الترمة حتى هي
اللي خرج واقف
يجي زاحف
على مهم حالف
يدير ...ويدير
جات نوبتي
جروني من شعكوكتي
كْدام لبنيقة مرحوني
دارو بيا ستة
على وجهي طرحوني
جوج لواو رجليا
واحد من تحت الكرسي لوى ايديا
وجوج دارو بيا
شغل الحدادة
بسماطيهم يعطوني
كلي زركْوني
مات جلدي اعليا
فاتت الضربة الساتة
جاتني الساكتة
بحالا كايضربو في الحايط
واحد ولد لحرام
عند راسي واكْف
بالبرودكان
كاينزل اعليا
الضربة مثنية
من الكْنة بالسباط
ومن الجبهة بالدص
آش هذ النحس
الله يكْطع ليهم الغرس
خرجو اعليا
المعدل من سطاعش و ثمنطاعش
لعشرة و حداعش
دوبلت في البكلوريا
داويت خمس سنين على راسي
تبرزطت وطار انعاسي
مانسمح للي سيفطكم يا لمخازنية
Published by zaki
-
dans
hommage à la jeunesse
9 août 2007
4
09
/08
/août
/2007
11:32
في خاطر لحباب 3
رايسنا لحنين
رايسنا لحنين
مشى للواليدية يتبرد
قهرو الصهد
ولاً جابو الجهد
شافنا شي نهار مقصرين
بين لكْياطن ومعانا خرين
ولاد زينين وبنيات
من الفوكْ مغطيات
ومن التحت عريانات
كاينوضو يديرو شطيحات
الحلاوي، بالبانجو ينغم نغيمات
افروح يصيح صيحات
و اعلى طامطام الرايس يسمع ضريبات
فين غادي بيا خويا فين غادي بيا...
حاميد وبن الجمل لوليدات
مع البيلاني يشمخو شميخات
عبد الحفيظ يلوح كليمات
عبد الكريم غا ساكت
إيكْوديان ساهت
عبد الله خوه سالت
الجنيدي غا يتلفت
على نوردين كايبحث
والزاكي يغوت
ياك اركب على لدهم
وا يجري كْاع ما يندم
عبد العزيز ولحموزات
في الشماعية يجيبو المونة للخيات
وفي واحد الساعة
تكْلب النشاط
ولًى زلاًط
جاو لمخازنية مقصدين
علينا محرشين
ما دواو حتى ضربو
نواونا نهربو
ناضت الروينة
لهذاك قتلة عطينا
عبد الله سلت عند خالو
والجنيدي زاد فحالو
ونور الدين ما بان خيالو
وسنيديف ما كْال والو
واللي سلت فلت
واحنا...احنا
دارت العسة بينا
يتبع
Published by zaki
-
dans
hommage à la jeunesse
